„ИНФОРМИРАЈ СЕ И ДОНЕСИ ОДЛУКА!“- ЗА ЖИВОТ БЕЗ ЗАВИСНОСТИ!

По повод Ноември – месецот на борба против зависностите, на 2 ноември се реализираше врсничка едукација наменета за учениците од СОУ „Миле Јаневски – Џингар“ од Македонска Каменица.

Преку едукативни содржини, интерактивен пристап и отворена дискусија, учениците имаа можност да се запознаат со штетните последици од употребата на психоактивни супстанции, алкохолот и тутунските производи, како и со ризиците кои ги носат различните форми на зависност.

Овогодинешното мото „Информирај се и донеси одлука!“ испраќа јасна порака дека знаењето и информираноста се првиот чекор кон превенција, а правилниот избор е инвестиција во сопственото здравје и иднина.

Заедно градиме генерации кои знаат да препознаат ризик, да кажат НЕ на зависностите и ДА на здравите животни избори!