ОДБЕЛЕЖАНА НЕДЕЛА НА ЗАБОЗДРАВСТВЕНА ЗАШТИТА

По повод недела на забоздравствена заштита, која се одбележува во периодот од 15 до 21 декември

Општинската организација на Црвен крст Делчево, во соработка со др – Симон Наџенски

во општина Делчево и др-Ленче Митревска Доневска за во општина Македонска Каменица во детските градинки ОЈУГД „Весели Цветови“ – Делчево и ЈОУДГ „Бамби“ – Македонска Каменица, спроведе едукативни предавања за дечињата од детските градинки на возраст од 4 до 6 години.

Преку едукативни и интерактивни предавања имаа можност да се запознаат со правилно миење на запчињата, правилна исхрана за здрави заби, важноста на миењето заби и важноста на контролата кај забар.

Овие активности придонесуваат кон градење здрави навики уште од најмала возраст и поттикнување на свесноста за важноста на здравствената заштита кај најмалите.